¹Scribe, sicut dico tibi: ²Primus frater, quem dedit mihi Dominus, fuit frater Bernardus, et: qui primo incepit et complevit perfectissime perfectionem sancti evangelii distribuendo bona sua omnia pauperibus; ³propter quod et propter multas alias praerogativas teneor ipsum magis diligere quam aliquem fratrem totius religionis. ⁴Unde volo et praecipio, sicut possum, quod, quicumque fuerit generalis minister, ipsum diligat et honoret tamquam me ipsum, ⁵et etiam alii ministri provinciales et fratres totius religionis ipsum teneant vice mea.

********

Scribe, sicut dico tibi: Primus frater, quem dedit mihi Dominus, fuit frater Bernardus, et: qui primo incepit et complevit perfectissime perfectionem sancti evangelii distribuendo bona sua omnia pauperibus; propter quod et propter multas alias praerogativas teneor ipsum magis diligere quam aliquem fratrem totius religionis. Unde volo et praecipio, sicut possum, quod, quicumque fuerit generalis minister, ipsum diligat et honoret tamquam me ipsum, et etiam alii ministri provinciales et fratres totius religionis ipsum teneant vice mea.